ონის მუნიციპალიტეტში, სტიქიის ზონაში სამძებრო სამუშაოები მეთორმეტე დღეა უწყვეტ რეჟიმში მიმდინარეობს. ბოლო მონაცემებით, სტიქიის შედეგად 24 ადამიანი დაიღუპია, საიდანც 20 ადამიანის ცხედარი იდენტიფიცირებულია.
სტიქიის ზონაში ამ დრომდე ეძებენ, ზაზა მესხს და მის სამ შვილს. მისი მეუღლე უკრაინელი ჟურნალისტი ალინა პოლიკოვსკა მაშველებმა გარდაცვლილი იპოვეს.
,,რთული საუბარი გვქონდა ნათესავებთან. ჩვენ ყველანი ემოციურები ვართ და ეს არ აადვილებს გადაწყვეტილების ერთად მიღებას. ადრეც აღვნიშნე, რომ ზოგს უნდა მომხდარში დამნაშავეების პოვნა და მათი დასჯა. ჩვენთვის ის, რაც მოხდა, იყო ისეთი სტიქიური უბედურება, რომელიც ხდება მთებში, სადაც დედაბუნება შეიძლება იყოს უფრო ძლიერი, ვიდრე ყველაფერი, რაც ადამიანს შეუძლია გამოიგონოს.
თუკი ქმედება თქვენთვის ტკივილთან გამკლავების გზაა, ერთ-ერთი მიმართულება, რომელზეც მე ვფიქრობ და ნამდვილად სასარგებლოა, შეიძლება იყოს მხარდაჭერისა და ექსპერტიზის მობილიზება ადრეული გაფრთხილების სისტემების განვითარებისთვის (და ხელისუფლებაზე ზეწოლა, რომ მიიღონ და განახორციელონ ეს). ამას შეუძლია წვლილი შეიტანოს იმაში, რომ მომავალში სხვების სიცოცხლე გადარჩეს. ჩვენ ვერ შევცვლით იმას, რაც უკვე მოხდა…” – წერს ზაზა მესხის ყოფილი მეუღლე სინტა დეპონტი.
